Քիմ Քարդաշյանի այցը Հայաստան կապ չունի Ցեղասպանության 100-ամյակի հետ

Slaq.am-ը գրում է․

Քիմ Քարդաշյանի մահացած հայրը կհպարտանար իր ընտանիքի առաջիկա այցով Հայաստան: Այդ մասին գրում է Page Six-ը:

«Մեր հայրն այնքան կպարտ կլիներ», - ապրիլին սպասվելիք այցի մասին Page Six-ին հայտնել է Քիմը: Նրանց այցը համընկնում է Հայոց ցեղասպանության 100-ամյակի հետ: «Մեր ամբողջ ընտանիքն այնքան հուզված է», - ասել է Քիմը:

34-ամյա ռեալիթի TV աստղն իր հետ Հայաստան է բերելու դստերը` Նորթ Ուեսթին, սակայն դեռևս պարզ չէ` արդյոք նրանց կմիանա Քիմի ամուսինը` հայտնի ռեփեր Քանյե Ուեսթը:

Քիմի այցն համընկնում է 1915 թվականին Օսմանյան Թուրքիայի կողմից 1,5 միլիոն հայ տղամարդկանց, կանանց ու երեխաների սպանության հիշատակի օրվա հետ, սակայն նրա ներկայացուցիչը պնդում է, որ դա կապ չունի Ցեղասպանության 100-ամյակի հետ:

Հայոց ցեղասպանության 100-ամյակի ամերիկյան կոմիտեի ներկայացուցիչ Ֆիլ Ուալոտսկին, սակայն, հայտնել է Page Six-ին, որ Քիմի այցն «իմաստ ունի»:

2012-ին Քիմը նույնիսկ Ցեղասպանության վերաբերյալ հայտարարությամբ հանդես եկավ: