Բելգիացի ճարտարապետը ներկայացրել է ապագայի Փարիզի նախագիծը
19:29 , 15 հունվար, 2015
1in.am-ը գրում է․
Բելգիացի ճարտարապետ Վինսենթ Կալեբոն ներկայացրել է ապագայի Փարիզի նախագիծը: Smart City-ի նախագիծը ներկայացվել է Փարիզի արդիականացման գլոբալ պլանի շրջանակներում:
Նա նախագծով Փարիզը վերածելու է «կանաչ քաղաքի», հայտնում է Archdaily կայքը:
Մասնագետի խնդիրը էկո-մայրաքաղաք ստեղծելն է՝ քաղաքի բոլոր տեսարժան վայրերի պահպանմամբ ու նոր տեխնոլոգիաների օգտագործմամբ:
Smart City աշխատանքը ներկայացված է Climate Energy գլոբալ ծրագրի շրջանակներում, որի նպատակն է Փարիզը մինչև 2050 թ. վերածել էկո-քաղաքի:
Բելգիացին առաջարկում է մոդիֆիկացնել սովորական երկնաքերերը՝ տնկելով ծառեր: Նախատեսվում է նման շինություններում տեղադրել պասիվ ջեռուցման ու սառեցման տեխնոլոգիաներ, անձևաջրի մշակման համակարգեր ու այգիներ, որոնք կօգնեն մաքրել օդը: