Աբորտ անելուց առաջ մտածեք, որ հնարավոր է՝ այսպիսի հրաշք տեղի ունենա

Մհարին 20 շաբաթական հղի էր, երբ բժիշկները հայտնեցին նրան սարսափելի լուրը. պտուղը չի ապրի, և աղջկան պետք է շտապ աբորտ անեին։ Բայց Մհարին չլսեց նրանց խորհուրդները. մայրական սիրտը զգում էր, որ երեխան ապրելու է։ Չնայած ռիսկին՝ աղջիկը որոշեց թողնել երեխային, մինչև նա ինքը պատրաստ կլինի դուրս գալ։

Ջեթ Մորրիսը ծնվեց 25 շաբաթական և կշռում էր ընդամենը 630 գրամ։

Ծնվելուց հետո փոքրիկը տառապում էր խրոնիկական թոքաբորբով և դեղնախտով։ Նա նաև սրտի հետ կապված խնդիրներ ուներ։

Երբ փոքրիկի օրգանները վերջնականապես ձևավորվեցին, նա բուժվեց այդ հիվանդություններից։ Նա նախատեսված ծննդյան օրից երեք շաբաթ շուտ դուրս գրվեց հիվանդանոցից։

Երբ բժիշկներն առաջարկեցին ընդհատել հղիությունը, Մհերին չէր կարողանում հավատալ, որ նրանք այդքան շուտ հանձնվել են։ «20 շաբաթականում նրանք Ջեթին իմ երեխան չէին համարում։ Նա նրանց համար ուղղակի դատապարտված մսագունդ էր։ Այդ մտքից միայն ես ցավ էի ապրում»։

«Ինձ այլ տարբերակ չէին առաջարկում։ Երբ ես տեսա իմ փոքրիկի նկարները և իմացա, որ տղա է, այդժամ հասկացա, որ ոչ մի աբորտի մասին էլ խոսք չի կարող գնալ»։

«Ես հասկանում եմ, որ բժիշկները պետք է օբյեկտիվ կանխատեսումներ անեն և իրենց հիվանդներին պատրաստեն ամենավատին։ Բայց չեն լինում կանոններ` առանց բացառությունների, իսկ նրանք Ջեթին ոչ մի շանս չէին ուզում տալ։ Երբ ես ասացի, որ աբորտ չեմ անելու, բժիշկը զարմացած նայեց վրաս, ասես ես իր թանկագին ժամանակն էի խլում։ Ես ու ամուսինս վեր կացանք և հեռացանք»։

Մհարին մյուս կանանց կոչ է անում այդպիսի դեպքերում չշտապել աբորտ անել. «Մեզ մոտ ամեն ինչ հիանալի ավարտ ունեցավ, բայց ինձ անհանգստացնում է այն, որ մյուս մայրերը կարող են անմնացորդ լսել բժիշկների խորհուրդները և զրկեն իրենց դեռ չծնված փոքրիկին կյանքից»։