Ստամբուլի ոստիկանությունը վնասազերծել է առևտրի կենտրոնների մոտ տեղակայված երկու պայթուցիկներ
00:45 , 11 հունվար, 2015
1in.am-ը գրում է․
Ստամբուլի անվտանգության գերատեսչության աշխատակիցները այսօր վնասազերծել են պայթուցիկ սարքավորումներ, որոնք տեղակայված են եղել երկու առևտրի կենտրոնների մոտ:
Ինչպես հաղորդել է «Դոգան» գործակալությունը, երկու սարքավորումներն էլ պատրաստված են եղել գազի բալոններից, որոնք կրակայրիչների լիցքավորման համար են նախատեսված:
Երկու պայթուցիկները միաժամանակ են հայտնաբերվել, իսկ ոստիկանությանը գտածոյի մասին տեղյակ են պահել անցորդները: Պայթուցիկները վնասազերծվել են: Ոստիկանությունը հետաքննություն է սկսել և որոնում է այն անձանց, ովքեր կարող են մասնակից լինել այդ միջադեպին: