Ժերար Դեպարդյեն միացել է Charlie Hebdo-ի աջակցության ակցիային
08:15 , 9 հունվար, 20151in.am-ը գրում է․
Ֆրանսիացի և ռուս դերասան Ժերար Դեպարդյեն միացել է Charlie Hebdo երգիծական շաբաթաթերթի աջակցության ակցիային, որի գրասենյակի վրա զինված հարձակում էր կատարվել: Այս մասին հաղորդվում է iTele ֆրանսիական հեռուստաալիքի թվիթերյան էջում:
Հեռուստաալիքի կողմից տեղադրված լուսանկարում Դեպարդյեն ձեռքում պահել է թուղթ, որի վրա գրված է՝ «Je suis Charlie» (Շարլին ես եմ): Նշվում է, որ լուսանկարն արվել է Թուրքիայում, որտեղ էլ այժմ գտնվում է դերասանը:
Ներկայում Փարիզի փողոցներում անցկացվում են հանրահավաքներ՝ ի հիշատակ ահաբեկչության զոհերի:
