Նյու Յորքում առաջին սրճարանը կբացվի կատուների համար
00:47 , 16 դեկտեմբեր, 20141in.am-ը գրում .
Երկուշաբթի՝ դեկտեմբերի 15-ին, Նյու-Յորքում կբացվի քաղաքում կատուների առաջին սրճարանը, հաղորդում է The New York Post-ը: Հաստատությունը ստացել է Meow Parlour անվանումը: Այն տեղակայված է Մանհեթենի Ստորին Իսթ-Սայդում: Հաստատության «աստղերի» հետ 30 րոպե շփումը կարժենա 4 դոլար:
Meow Parlour-ը հիմնադրել են Քեթրին Հան և Էմիլի Լեգրանը: Նրանց գլխավոր նպատակը ոչ միայն սուրճ վաճառելն է, այլև KittyKind ծրագրի շրջանակներում փրկված կատուներին օգնել նոր տուն գտնել:
Սրճարանի հաճախորդները կարող են Meow Parlour գալ կես ժամով և «շփվել» կատուների հետ կամ սրճարանում անցկացնել մինչև հինգ ժամ՝ վայելելով անվճար WiFi և քնած կատուների ընկերակցությունը: