Գյումրիի «Շիրակ» օդանավակայանի ուղևորները կազատվեն ելքի համար պետական տուրքի վճարումից

Այսօր տեղի ունեցած հերթական նիստի ժամանակ որոշում է ընդունվել Գյումրիի «Շիրակ» օդանավակայանի ուղևորներին ազատել ելքի համար պետական տուրքի վճարումից:

Նշենք, որ ներկայումս պետական տուրքից ազատվում են մինչև 12 տարեկան երեխաները, տարանցիկ ուղևորները, Հայրենական մեծ պատերազմի մասնակիցները և այլ սոցիալական խմբի ներկայացուցիչներ:

Կառավարության ներկայացրած հիմնավորման մեջ ասվում է. «Արդյունավետորեն կխրախուսվի ցածր բյուջետային ավիափոխադրողների, զբոսաշրջիկների և միջազգային հյուրանոցային օպերատորների ներգրավումը, աշխատատեղերի ստեղծումը, ինչպես նաև տարածաշրջանում զբոսաշրջության ենթակառուցվածքների ստեղծումը և արդիականացումը: Ակնկալվում է նաև, որ բարեփոխման արդյունքում կխրախուսվի արտահանման ծախսերի նվազումը և արտահանման խթանումը»: