7 բան, որ երբեք չի անի իսկական ընկերը

 1  Քննադատի քեզ քո թերությունների համար։
Որքան էլ շատ թերություններ ունենաս, դու չպետք է դրանք թաքցնես իրական ընկերներից։ Նրանք քո թերությունները տեսնում են որպես քո հատկանիշներ, որոնք քեզ հետաքրքիր ու գեղեցիկ են դարձնում։ Երկու մարդկանց միջև երջանիկ շփման որակը կայանում է նրանց՝ իրար ընդունելու ու հանդուրժողականության մեջ։ Իրական ընկերները սիրում ու գնահատում են միմյանց այնպիսին, ինչպիսին նրանք կան։

 2  Հեռանա քեզնից, երբ ամեն ինչ դժվարանա։
Իրական ընկերությունը և լավ բնավորությունը կախված է նրանից, թե ինչպես է մեկը աջակցում մյուսին, երբ նա խոցելի է ու շատ քիչ կարող է հետադարձ տալ։ Այնպես որ, ոչ թե նա է իրական ընկերը, ով կողքիդ է լավ պահերին, այլ նա, ով կողքիդ է քեզ համար ծանր պահերին։ Այնպես որ ուշադիր եղիր, թե ով է կողքիդ, երբ ամեն ինչ այնքան էլ հրաշալի չէ քո կյանքում։ Հատկապես ուշադրություն դարձրու այն մարդկանց, ովքեր իրենց կյանքի ռեսուրսները զոհաբերում են քեզ օգնելու համար այն ժամանակ, երբ առավել շատ ունես նրանց կարիքը։ Երբ կյանքում իսկապես ծանր պահեր ես ապրում, փորձիր շուրջդ նայել ու տեսնել, ով է կողքիդ ու տարբերիր իրական ընկեներին։

 3  Թևաթափ անի։
Ցավոք, կյանքում կան մարդիկ, ում դու ընկեր ես համարում, սակայն ովքեր քեզ ետ կպահեն քո ամբողջական ներուժին հասնելուց։ Հնարավոր է դժվար լինի, սակայն դու չպետք է թույլ տաս, որ այս բացասական էներգիա կրող մարդիկ քեզ ընկճեն։ Թույլ մի տուր, որ քո այսպես կոչված ընկերները քո «երկինքը առաստաղի վերածեն»։ Ուշադիր եղիր այն «ընկերներից», ովքեր փորձում են քեզ հետ պահել քո երազանքներից։ 

 4  Հիշաչարությամբ ու նախանձով լցվի քո հանդեպ։
Շատ մարդիկ կհրաժարվեն ընդունել, որ դու այլևս այն մարդը չես, ով կայիր, որ դու անցյալում սխալներ ես գործել, սովորել ես դրանցից ու առաջ շարժվել։ Նրանք չեն կարողանում ընդունել այն փաստը, որ դու զարգանում ես ու առաջ շարժվում քո կյանքում։ Այդ է պատճառը, որ նրանք կփորձեն անցյալդ օգտագործել քեզ հետ կապը պահելու համար։ Բաց թող նրանց բացասականությունը, խաղաղություն գտիր ու ազատիր ինքդ քեզ այսպիսի մարդկանց բացասականությունից։
Իրական ընկերն անցյալը չի օգտագործի քո դեմ, այլ կօգնի կառուցել ներկադ ու ապագադ։ Եթե ինչ-որ մեկն անդադար դատում է քեզ՝ անցյալդ հիշեցնելով ու այն քո դեմ օգտագործելով, ուրեմն պետք է ամեն ինչ ձեռքերիդ մեջ առնես ու կառուցես ներկադ ու ապագադ՝ այդպիսի «ընկերներին» հետևում թողնելով։

 5  Խաբի քեզ։
Երբ ստախոսներին պահում ես քո կյանքում, նրանց հնարավորություն ես տալիս վստահված զգալ իրենց։  Դու նրանից շատ չես տարբերվում, որովհետև այսպես դու էլ ես ստում և ինքդ քո հանդեպ վատ վարվում։ Եթե դու գիտես մեկին, ով խուսափում է ճիշտն ասել ու ասում է միայն այն, ինչ ուզում ես լսել՝ իրենց իսկ սեփական շահի համար, ուրեմն իսկական ընկեր չես կոչի նրան, և նա արժանի չէ ընկերական վերաբերմունքի։

 6  Ձևացնի, թե ունի բոլոր հարցերի պատասխանները։
Եթե փորձես մտածել այն մարդկանց մասին, ովքեր լավագույն դրական ազդեցությունն են ունեցել քո կյանքում, կտեսնես, որ դրանք ոչ թե այն մարդիկ են, ովքեր տվել են բոլոր հարցերիդ պատասխանները կամ լուծել խնդիրներդ, այլ նրանք, ովքեր լուռ կողքիդ են եղել, երբ մտածելու կարիք ես ունեցել, կողքիդ եղել, երբ արտասվելու կարիք ես ունեցել, ովքեր հանդուրժել են այն, որ չունեն բոլոր հարցերի պատասխանները, սակայն կողքիդ են եղել։
Մի փնտրիր այնպիսի ընկերների, ովքեր կլուծեն խնդիրներդ, այլ փնտրիր այնպիսիներին, ովքեր դրանց դեմ դուրս կգան քեզ հետ։

 7  Ստիպի քեզ բեռ զգալ։
Իրական ընկերությունը երբեք չի բեռնվում սթրեսային խոստումներով ու պարտականություններով։ Այն, ինչ ընկերներն անում են միմյանց համար ոչ թե նրա համար է, որ նրանք մտահոգվում են, այլ որովհետև նրանք ուզում են դա անել նրանց համար։ Մի հետապնդիր մարդկանց։ Նրանք հետապնդվելու կարիք չունեն։ Եթե ինչ-որ մեկն իսկական ընկեր է և ուզում է ունենալ քեզ իր կյանքում, նա տեղ կստեղծի քեզ համար իր կյանքում։ Դու չպետք է կռվես դրա համար։ Երբեք մի փորձիր ստիպողաբար մտնել ինչ-որ մեկի կյանք, ով թերագնահատում է քո արժեքը։

Իրական ընկերը, ով հասկանում է քո արցունքներն ու խնդիրները, շատ ավելի արժեքավոր է, քան այն հարյուր ընկերները, ովքեր հայտնվում են քո ժպիտների ու ուրախության ժամանակ։ Որովհետև իրական ընկերն ընդունում է քեզ հենց այնպիսին, ինչպիսին կաս և օգնում է քեզ դառնալ նա, ով կարող ես դառնալ։