«Ամեն ինչ արվում է, որ հաջորդ երկրաշարժը չլինի աղետալի և մնա միայն որպես երկրաբանական երևույթ». Հ.Պետրոսյան

GalaTV.am-ը գրում է.

1988-ի աղետալի երկրաշարժից անցել է 26 տարի: Խոսելով երկրաշարժի մասին, կարիք է առաջանում քննարկել նաև ներկայում սեյսմիկ ռիսկերին, սեյսմակայուն շինարարությանը վերաբերող հարցեր:

ԱԻՆ Սեյսմիկ պաշտպանութան  ծառայություն գործակալության պետ Հրաչյա Պետրոսյանը անդրադառնալով այդ հարցերին նշել է.«Մենք պատրաստ չէինք երկրաշարժին և Սպիտակի դասերը ստիպեցին ստեղծել Սեյսմիկ պաշտպանութան ծառայությունը, որի նպատակն է սեյսմիկ ռիսկերի նվազեցումը» :

1988-ից հետո գիտությունը լուրջ առաջընթաց է գրանցել այդ ոլորտում: Հատկանշական է այն, որ Ճապոնիայում հաճախակի են  բարձր ուժգնություն ունեցող երկրաշարժերը, սակայն զոհերը փոքրաթիվ են: «Մենք ունենք պետական կառույց, և նախարարության աջակցությամբ ամեն ինչ արվում է, որ հաջորդ երկրաշարժը չլինի աղետալի և մնա միայն որպես երկրաբանական երևույթ»,- նշել է Հրաչյա Պետրոսյանը:

Մասնագետն առանձնացրել է նաև ծառայության գործունեության հիմնական խնդիրները, դրանք են՝ սեյսմիկ վտանգի գնահատումը, շինությունների սեյսմակայունության բարձրացումը և հասարակության լայն շերտերի իրազեկվածության մակարդակի բարձրացումը: Վերջին խնդրի վերաբերյալ մասնագետը հայտնել է, որ կատարվում է սեյսմապաշտպանության վարքականոնների ուսուցում, ինչն արվում   է տարբեր ծրագրերի շրջանակներում, ինչպես նաև այդ հարցերին նվիրված  նյութեր են տեղադրվում նախարարության կայքում: Մասնագետը հայտնել է նաև, որ տեղադրվել է նոր թեքաչափ, որը թույլ է տալիս հայտնաբերել երկրակեղևի տեղաշարժերը:

Շարունակությունն՝ այստեղ