Ա. Աշոտյանը՝ դասախոսների կուտակային կենսաթոշակի հարցի մասին
14:57 , 4 դեկտեմբեր, 2014Panorama.am-ը գրում է․
Բուհերի կարգավիճակի փոփոխությունը` պետական ոչ առևտրային կազմակերպությունից վերածվելով հիմնադրամի, արվել է բուհերին ինքնավարություն տալու նպատակով: Այս մասին այսօր ՀՀ կառավարության նիստից հետո լրագրողների հետ ճեպազրույցում ասաց կրթության և գիտության նախարար Արմեն Աշոտյանը:
«Դա իրականացնում ենք ինչպես օրենսդրական փոփոխությունների, այնպես էլ բուհերի կազմակերպաիրավական ձևի փոփոխության շնորհիվ: Հաշվի առնելով նաև միջազգային փորձը` գտնում ենք, որ հիմնադրամները բուհերին տալիս են ավելի մեծ ազատություն, հատկապես` ինքնուրույնություն ֆինանսատնտեսական, գիտելիքի առևտրայնացման հարցերում և այլն»,- ասաց նախարարը` հավելելով, որ նաև ընդլայնելու են բուհերի ակադեմիական ազատություններն ու ինքնավարությունը` կապված կրթության բովանդակության ու կառավարման հետ:
Ա. Աշոտյանը նշեց, որ բուհերի կարգավիճակը փոխելով՝ լուծվում է նաև համատեղությամբ պետական և մասնավոր հատվածում աշխատող երիտասարդ դասախոսներից սոցիալական պարտադիր վճարի կրկնակի գանձման հարցը:
Ամբողջական հոդվածը կարող եք կարդալ այստեղ