Իսկ դուք կարո՞ղ եք այսպես դիմահարդարվել (PHOTO)

11:55 , 4 դեկտեմբեր, 2014

Մի խումբ մայրիկներ թույլ տվեցին իրենց դստրիկներին «գեղեցկացնել» իրենց։ Չզարմանաք, եթե այս փոքրիկների պատկերացումները գեղեցկության մասին չհամընկնեն Ձեր պատկերացումների հետ։ Ի տարբերություն բազում մեծահասակների՝ նրանք ընդունված ստանդարտներից դուրս են մտածում։ 3-5 տարեկան այս փոքրիկ աղջիկները գեղարարական միջոցների մի ամբողջ շարք ունեին իրենց ձեռքի տակ՝ շրթներկ, ստվերաներկ, սնգույր և այլն։ Լուսանկարների այս շարքը կարող է զվարճալի թվալ, սակայն գուցե երեխաների համար էլ զվարճալի է, թե ինչ բծախնդրությամբ են իրենց մայրիկներն ընդգծում աչքերը և առհասարակ ժամեր ծախսում դիմահարդարման վրա, երբ կարելի է ընդամենը հինգ րոպեում ամեն ինչ «լղել» դեմքին ու վառ կերպար ստանալ։ Փոքրիկ աղջիկներից յուրաքանչյուրը համոզված էր, որ ավելի է գեղեցկացրել իր մայրիկին։ Մի՞թե Դուք կհամարձակվեք հակառակը պնդել։