Հարավային բևեռ առնետների համար նախատեսված գրեթե 100 տոննա թույն կիջեցնեն
06:55 , 3 դեկտեմբեր, 20141in.am–ը գրում է.
2015թ. փետրվարին սուբանտարկտիկական կղզում պատմության մեջ առաջին անգամ առնետների դեմ լայնածավալ պայքար կանցկացվի:
Առնետները, որոնք այստեղ են թափանցել նավերի միջոցով, տեղի բնահամակարգի համար իսկական սպառնալիք են դարձել: Դրանց պատճառով կղզում փետրավորների քանակը կրճատվել է ավելի քան 90 տոկոսով:
Ենթադրվում է, որ շոտլանադական South Georgia Heritage Trust բնապահպան հիմնադրամի աջակցությամբ անցկացվող գործողություններին երեք ուղղաթիռներ կմասնակցեն, որոնք կղզի կիջեցնեն 95 տոննա թույն: Նախագծի հեղինակ Թոդ Մարտինը Guardian-ին հայտնել է, որ փետրվար-մարտ ամիսներին 364 քառակուսի կիլոմետր տարածքի վրա առնետներին ոչնչացնող գործողություններ կիրականացվեն: Նա նշել է, որ թույնը թռչունների համար վնասակար չէ: