Կյանքի 15 դաս մայրիկի կողմից
16:46 , 1 դեկտեմբեր, 2014Աշխարհում չկա մի այնպիսի մարդ, ով մեզ ավելի լավ կհասկանար, քան մեր մայրիկը։ Անգամ նրա բարկության խոսքերում մեծ իմաստություն կա։ Մայրիկի այս դասերը դժվար է մոռանալ, մանավանդ եթե օժտված ես հումորի զգացումով։
1. Մայրս ինձ սովորեցրել է հավատալ Աստծուն.
Աղոթիր, որ այս լաքաներն անցնեն, թե չէ բանդ բուրդ է։
2. Մայրս ինձ սովորեցրել է համարձակորեն դիմագրավել ապագայի մարտահրավերներին.
Սպասի՛ր, ես քեզ հետ տանը կխոսեմ։
3. Մայրս ինձ սովորեցրել է տրամաբանել.
Էլ ի՞նչ ինչու։ Որովհետև ես այդպես ասացի։ Վերջ։ Խոսակցությունն ավարտված է։
4. Մայրս ինձ սովորեցրել է մտածել հետևանքների մասին.
Մի՛ կախվիր։ Հեսա պատուհանից դուրս կընկնես, էլ քեզ ոչ մի տեղ չեմ տանի հետս։
5. Մայրս ինձ բացատրել է պատճառահետևանքային կապերը.
Եթե շարունակես լացել, ծեծ կուտես։
6. Մայրս ինձ սովորեցրել է իրագործել անհնարինը.
Բերանդ փակիր ու ապուրդ կեր։
7. Մայրս ինձ համբերատար ու դիմացկուն անձ է մեծացրել.
Սեղանի մոտից վեր չես կենա, մինչև ամբողջը չուտես։
8. Մայրս ինձ սովորեցրել է հարգել ուրիշի աշխատանքը.
Եթե դուք պատրաստվում եք կռվել, ապա դու՛րս եկեք տնից. ես հենց նոր եմ հատակը մաքրել։
9. Մայրս ինձ սովորեցրել է ճկուն լինել.
Նայիր, թե հետևից շորերդ ոնց ես կեղտոտել։
10. Մայրս բացատրել է ինձ մեծ մարդ դառնալու ամենակարճ ուղին.
Եթե նորմալ չսնվես, երբեք չես մեծանա։
11. Մայրս սովորեցրել է ինձ օբյեկտիվորեն գնահատել ինքս ինձ.
Ինչու՞ չես կարող։ Դու հո հարևան Աշոտիկի պես դեբիլ չես, որ չկարողանաս։
12. Մայրս ինձ բացատրել է ժառանգաբանության հիմունքները.
Լրիվ հորդ ես քաշել։
13. Մայրս ինձ սովորեցրել է չնախանձել ու գնահատել իսկական հարստությունը.
Աշխարհում միլիոնավոր աղքատ երեխաներ կան, ովքեր քո ծնողների պես հրաշալի ծնողներ չունեն։
14. Մայրս ինձ պատմել է չափից շատ ստելու բացասական հետևանքների և չափավոր ստի անվնասության մասին.
Որ շատ սուտ խոսես, քիթդ կերկարի։
15. ...Ավելացրու քո մայրիկի բրենդային արտահայտությունը մեկնաբանությունների բաժնում։