Հայաստանի կոմունիստները վստահ են, որ ԵՏՄ-ը կնպաստի Խորհրդային միության վերականգնմանը

Azatutyun.am–ը գրում է.

Հայաստանի ավելի քան 20 հազար անդամ ունեցող Կոմունիստական կուսակցությունում սրտատրոփ են սպասում հունվարի մեկին, երբ Հայաստանը կհայտնվի Կրեմլի նախաձեռնած Եվրասիական տնտեսական միության կազմում։ Կոմունիստները համոզված են, որհետագայում այն կվերածնվի որպես նոր Խորհրդային միություն, իրենք էլ կրկին իշխանության կգան։

Այս հույսով էլ ապրում է մանկությունը, երիտասարդությունը Խորհրդային Հայաստանում անցկացրած Շուրա Ղազարյանը՝ հավատալով, որ կյանքի վերջին օրերը ևս կանցկացնի դաշինքում՝ ռուս ժողովրդի կողքին։

«Մտնենք Ամերիկայի կազմի մե՞ջ, չէ, մեր ամենապարտաճանաչ պատասխանատուն Ռուսաստանն է: Դուք ի նկատի ունեք, որ Ռուսաստանը զե՞նք է վաճառում Ադրբեջանին, դա միջազգային մասշտաբով ընդունված բան է, չի կարող չվաճառել, սա բիզնես է», - «Ազատության» հետ զրույցում ասաց Ղազարյանը:

Իրենց սպասումների մասին այսօր կուսակցության 39-րդ համագումարում հայտարարեցին Հայաստանի կոմունիստները: Ներկա էին ոչ միայն Ռուսաստանի, այլև հարևան Վրաստանի կոմունիստ ընկերները։

Հայաստանի կառավարության նիստերի դահլիճում կոմունիստական պաթոսով հնչող

ելույթներում նրանք քննադատեցին անկախ Հայաստանի ձախողումները՝ հայտարարելով, թե այս ամենին հաշված ամիսներ են մնացել։

Ամբողջական հոդվածը կարող եք կարդալ այստեղ