Դերսիմում 3000-ամյա հնավայր է հայտնաբերվել և հնագույն հայերեն տեքստ

Armfvn.com-ը գրում է․

Արևմտյան Հայաստանի Մեծ Հայքի Ծոփք նահանգի Դերսիմ քաղաքի մոտ (այժմ Թունջելի) հայտնաբերվել է 3000-ամյա վաղեմության հնավայր և հայատառ գրությամբ մի քար: 

Հետազոտող Սերկան Էրդողանը Բիթլիսի Էրեն համալսարանից և Թունջելիի մշակույթի և տուրիզմի  տնօրեն Իսմեթ Հաքան Ուլասողլուն են հայտնաբերել Դերսիմի շրջանի այս հսկայական հնավայրը: Գրում է 
Worldbulletin.net կայքը:

Հնավայրը ամենամեծն է Դերսիմում: Այն իր մեջ ներառում է մի քանի պատմական շերտեր երկաթե դար, Վանի թագավորության շրջան, հելլենիստական շրջան, Բյուզանդական շրջան: Հայտնաբերելով բազմաթիվ նյութեր, խեցեղեն, պատմական կամուրջներ և կշռող սարքեր, հնագետը կարծում է, որ տարածքը պատմական տարբեր ժամանակաշրջաններում եղել է արդյունաբերական  կենտրոն: Հնավայրը շուրջ երեք ֆուտբոլային դաշտի չափ տարածք է ընդգրկում: 

Չնայած որ խոսվում է հնավայրի ծավալի և հարուստի նյութի մասին՝ նյութում լրատվամիջոցն ընդհանրապես չի անդրադառնում հնավայրում հայտնաբերված մի քարի լուսանկարին՝  հրապարակված իր իսկ կողմից, որում պատկերված քարի վրա հնագույն հայատառ տեքստ է գրված:  

Միայն նշենք, որ այսօրվա Թունիջինը Դերսիմն է, որը եղել է Մեծ Հայքի Ծոփք գավառում: Այն սկզբում Բյուզանդացիների, այնուհետև Սելջուկ Թուրքերի ձեռքն անցավ:

Ստորև հնավայրի լուսանկարներն են՝