Քրիստինա Պիմենովան ապրում է այն կյանքով, որի մասին երազում են բազում մեծահասակներ: Մոսկվացի 9 ամյա աղջիկը մոդելային գործունեությամբ սկսել է զբաղվել դեռ երեք տարի առաջ: Այդ ժամանակամիջոցում նա մասնացել է մի շարք հեղինակավոր բրենդների ցուցադրությունների, նկարահանվել աշխարհահռչակ ապրանքների գովազդային հոլովակներում, ինչպես նաև դառնալ Kinder-ի գովազդային դեմքը:
.jpg)
Բազմաթիվ բրիտանական լրատվականներն արդեն իսկ նրան ճանաչել են որպես աշխարհի ամենագեղեցիկ երիտասարդ աղջիկ: Քրիստինան հայտնի է նաև սոցիալական ցանցերում: Այսպես` Facebook սոցիալական ցանցում նա ունի ավելի քան 2 մլն հետևորդ, իսկ Instagram-ում ավելի քան 300 հազար:
Աղջկա ծնողները նույնպես հայտնի մարդիկ են: Նա մոդել Գլիկերիա Շիրկովայի և ֆուտբոլիստ Ռուսլան Պիմենովի աղջիկն է:
.jpg)
Հատկանշական է, որ այդուհանդերձ աղջկա գործունեությունը ոչ միանշանակ է ընկալվում: Համացանցի օգտատերերից շատերը և հատկապես արևմտյան որոշ լրատվամիջոցներ հարցադրում են անում առ այն, թե արդյոք արժե այդքան երիտասարդ տարիքում նման կերպարով հանդես գալ: Նկատենք, որ սոցիալական ցանցում նրա անունից հենց հանդես է գալիս նրա մայրը` այս կերպ երեխային հեռու պահելով սոցիալական շփումների հնարավոր բացասական հետևանքներից: