«ՏՄՊՊՀ-ն կանխատեսումներով չի զբաղվում». խոսնակը՝ երշիկի շուկայում հնարավոր հակամրցակցային համաձայնության հարցի մասին

 

Հարցի առնչությամբ Life.panorama.am-ը փորձեց պարզաբանում ստանալ Տնտեսական մրցակցության պաշտպանության պետական հանձնաժողովից: Հանձնաժողովի նախագահի մամուլի քարտուղար Գայանե Սահակյանը նշեց, որ այս պահին նման խնդիր չկա:

 

«Ձեր կողմից բարձրացված երշիկի շուկայի հնարավոր հակամրցակցային համաձայնության վերաբերյալ հարցի վերաբերյալ տեղեկացնեմ, որ հանձնաժողովը կանխատեսումներով չի զբաղվում և զուտ ենթադրությունների հիման վրա ուսումնասիրություններ չեն արվում և առավել ևս վարույթ չի հարուցվում: Այս պահին շուկայում խնդրահարույց որևէ բան չկա: Հանձնաժողովի դիտակետում գտնվող խոշոր տնտեսվարողների կողմից չարաշահման մասին խոսելու որևէ հիմք չկա»,-ասաց Գայանե Սահակյանը: