Արամեն` «Ուրիշի փոխարեն» ներկայանալու և «Պաչի-պուչի»-ի մասին

Esem.am-ը գրում է․

ESem.am-ի ընթերցողները տեղյակ են, որ երգիչ Արամեն ներկայանում է «Ուրիշի փոխարեն» և մասնակցություն ունի համանուն ֆիլմում:) Արամեի հերոսը գալիս է փոխարինելու երգիչ Արամոյի հերոսին:)

Կինոնկարի պրեմիերային Արամեի կինը` Աննա Թովմասյանը, առանց ամուսնու էր եկել: ESem.am-ի հետ զրույցում երգիչն ասաց, որ ինքը ներկա չէր, քանի որ նոր էր վերադարձել համերգներից ու մի փոքր վատառողջ էր: «Ֆիլմը դեռ չեմ դիտել, բայց անպայման կդիտեմ, ինձ շատ հետաքրքիր է»,- ասաց նա ու հավելեց, որ պրեմիերայից հետո  շատ մեծ արձագանք է ստացել, ինչի համար շատ ուրախ է: «Նկարահանվելու առաջարկ ստացա ռեժիսորից` Հրանտ Երիցկինյանից: Երբ իմացա` ինչ պետք է անեմ, սիրով համաձայնեցի»,- նշեց Արամեն:

Երգչի խոսքով` նման առաջարկ ընդունելու առաջին նախապայմանը լավ սցենարն է, որն ինքն իր կեպարի միջոցով կարող է հասցնել հանդիսատեսին: «Եթե դերը հեռու է իմ պատկերացումից, կարծում եմ` իմաստ չունի տանջվել»,- նշեց նա:

Նկարահանման ժամանակ Արամեին ամենից շատ տպավորել է «բինտերով» կապկպվելու պահը:) Ըստ նրա` դերասանի կերպարում ներկայանալը դժվար է, բայց շատ հաճելի:

Ամբողջական հոդվածը կարող եք կարդալ այստեղ