Վահե Հակոբյանը հրաժարական է տվել

Slaq.am-ը գրում է.

Քիչ առաջ լրատվամիջոցներում լուրեր էին շրջանառվում, որ ՀՀ տարածքային կառավարման նախարարության Ջրային տնտեսության պետ Վահե Հակոբյանը սեփական դիմումի համաձայն աշխատանքից հեռացել է: Մեր աղբյուրները հաստատեցին վերոնշյալ տեղեկատվությունը, սակայն պաշտոնապես տեղեկատվությունը չի հաստատվում, իսկ մամուլի ծառայությունից մեր հեռախոսազանգերին չեն պատասխանում:

Իսկ թե որն է պատճառը` դեռևս հայտնի չէ: Նշենք, որ Վահե Հակոբյանը նախկինում զբաղեցնում էր Սյունիքի մարզպետի պաշտոնը: Վերջինս Ջրային տնտեսության պետ էր նշանակվել հուլիսի 11-ին: