Ռուսաստանի և Բելոռուսի հետ Մաքսային միությունը շատ կարևոր է Ղազախստանի համար. Նազարբաև

Replik.am-ը գրում է․

Ապրանքների անարգելք տեղափոխությունը Մաքսային միության տարածքում, շատ կարևոր նշանակություն ունի Ղազախստանի համար, որը դեպի ծով ելք չունի: Այս մասին այսօր ինդուստրիալիզացիային նվիրված կլոր սեղանի ժամանակ հայտարարել է Ղազախստանի նախագահ Նուրսուլթան Նազարբարևը:

«Մյուս տարվանից սկսելու է գործել Ռուսաստանի, Ղազախստանի և Բելոռուսի տնտեսական միությունը: Մեր նպատակը բացառապես պրագմատիկ է, քանի որ Ռուսաստանը գլխավոր գործընկերն է, Ռուսաստանի հետ մեր ընդհանուր սահմանը ձգվում է 7,5 հազար կմ».-Նազարբաևի խոսքերն է մեջբերում նախագահի մամուլի ծառայությունը:

Նազարբաևի խոսքերով, Ղազախստանը, որը գտնվում է Եվրասիական մայրցամաքի մեջտեղում, դեպի ծով ելք չունի. «Դրա համար էլ Մաքսային միությունը, որի շրջանակներում անհետանալու են մաքսային արգելքները և մեր ապրանքները դուրս են գալու արտաքին շուկա, մեզ համար շատ կարևոր է»: