Կապանում մեքենան բախվել է ծառին. կա երեք վիրավոր

Slaq.am-ը գրում է․

Փրկարար ծառայությունը նոյեմբերի 18-ին, ժամը 23.03-ին ահազանգ է ստացել, որ Սյունիքի մարզի Կապան քաղաքի թիվ 3 դպրոցի մոտակայքում տեղի է ունեցել ՃՏՊ, կան տուժածներ. ավտոմեքենայից ծուխ է դուրս գալիս. անհրաժեշտ է օգնություն:

Դեպքի վայր է մեկնել մեկ մարտական հաշվարկ:

Պարզվել է, որ Արամ Մանուկյան փողոցում գտնվող թիվ 3 դպրոցի մոտակայքում «Շեվրոլետ» մակնիշի 251 LF 62 պետհամարանիշի ավտոմեքենան դուրս է եկել ճանապարհի երթեւեկելի հատվածից եւ բախվել ծառին, ինչից Գ. Զ.-ն (ծնվ. 1980 թ), Բ. Տ.-ն (ծնվ. 1984 թ) եւ Ա. Ա.-ն (ծնվ. 1973 թ) տեղափոխվել են Կապան քաղաքի ԲԿ:

Բժիշկները տուժածների առողջական վիճակը գնահատել են բավարար:

Հրշեջ-փրկարարները հոսանքազրկել են ավտոմեքենան: