ԱՄՆ-ում յուրաքանչյուր 30 երեխայից մեկն անտուն է
04:59 , 19 նոյեմբեր, 2014
Խնդրում եմ մի ծուլացեք ու կարդացեք ստորև բերված փաստական տվյալները։ Այսօր ԱՄՆ Ազգային ռադիոն բավականին երկար խոսում էր այս փաստերի մասին։
ԱՄՆ-ը, որ համարվում է աշխարհի լավագույն կենսամակարդակ ունեցող երկրներից մեկը, 2,5 միլիոն անտուն երեխաներ ունի։ Յուրաքանչյուր 30 երեխայից մեկն անտուն է։ Կալիֆորնիայում ավելի ահավոր է վիճակը՝ յուրաքանչյուր 15 երեխայից մեկն անտուն է։
Այս երեխաները ծնողազուրկ չեն, այլ ուղղակի ընտանիքն է տնազուրկ։ Չի բավականացնում մատչելի բնակարանային ֆոնդը։ Մարդիկ ռեցեսիայի պատճառով այնքան են աղքատացել, որ չեն կարողանում ծածկ ունենալ ընտանիքի գլխին։
Ճիշտն ասած՝ գիտեի, որ Ռուսատանում բավականին բարձր է անտուն երեխաների քանակությունը, բայց որ ԱՄՆ-ում ևս կա այս երևույթը և այն էլ այս ծավալներով, չէի սպասում։