Մի-24 ուղղաթիռի խոցման համար պատասխանատու են թե Ադրբեջանի իշխանությունը և թե ԵԱՀԿ Մինսկի խումբը. Դավիթ Իշխանյան
16:00 , 13 նոյեմբեր, 2014
Yerkir.am-ը գրում է․
Ադրբեջանական զինված ուժերի կողմից ԼՂՀ ՌՕՈւ Մի-24 ուղղաթիռի խոցման համար պատասխանատու են թե Ադրբեջանի իշխանությունը և թե ԵԱՀԿ Մինսկի խումբը. Արցախի ՀՅԴ պաշտոնաթերթին ասել է Արցախի ՀՅԴ ԿԿ ներկայացուցիչ Դավիթ Իշխանյանը:
«Այս ապակայունությունը Ադրբեջանը ստեղծում է իր քաղաքակաան շահերի համար, սակայն որքան Ադրբեջանի իշխանություններն են պատասխանատու տվյալ իրավիճակի համար, այնքան էլ պատասխանատու են միջազգային կառույցները, մասնավորապես` ԵԱՀԿ Մինսկի խումբը, որը երբեք համարժեք գնահատական չի տալիս Ադրբեջանի սանձարձակություններին եւ համապատասխան քայլեր չի ձեռնարկում` նման իրավիճակներից խուսափելու համար»,- նշել է նա: Դավիթ Իշխանյանը շեշտել է, որ հայկական կողմը սահման չի խախտել, ինչի բազում փաստեր արդեն կան: Ադրբեջանական կողմը հիմք չի ունեցել հայկական օդուժին պատկանող ուղղաթիռը խոցելու:
Ամբողջական հոդվածը կարող եք կարդալ այստեղ