Դոնատելա Վերսաչեի էվոլյուցիան
04:35 , 10 նոյեմբեր, 20141in.am–ը գրում է.
Օրեր առաջ Versace-ի դիզայներ Դոնատելա Վերսաչեն ժամանել է Սան Պաուլու և ապշեցրել է բոլորին: 59-ամյա դիզայների դեմքը, որը տուժել էր պլաստիկ վիրահատություններից, մոմե արձան է հիշեցրել: Մաշկը չափից ավելի փայլուն է եղել, ինչը, ըստ մասնագետների, բոտեքսի և լազերային հարթեցման չարաշահման հետևանք է:
Նշենք, որ նա ծնվել է 1955թ. օգոստոսի 26-ին Ռեջո-դի-Կալաբրիա քաղաքում: Նա երկու եղբայր է ունեցել՝ Սանտո և Ջաննի, ինչպես նաև ավագ քույր՝ Թինան:
1970-ական թթ. կեսերին Դոնատելան որոշել է գնալ այն ժամանակ դեռ ողջ ավագ եղբոր՝ Ջաննիի հետքերով ու սկսել է դիզայնով զբաղվել:
Հիմա Դոնատելան Versace Group նորաձևության կայսրության փոխնախագահն է, բաժնետոմսերի 20%-ի սեփականատերը և իտալական բրենդի գլխավոր դիզայները: 1980-ական թթ. Ջաննին քրոջը նվիրեց Blonde անվանումով բուրմունքը, իսկ ավելի ուշ նորաձևության բրենդի դուստր Versus ընկերությունը: 1997-ի հուլիսի 15-ին Ջաննիին սպանել են, իսկ Դոնատելան ձեռքն է վերցրել ղեկավարման լծակները:
