Մեծ Բրիտանիայում բացվել է երկրում առաջին iPub-ը
22:38 , 8 նոյեմբեր, 2014
1in.am-ը գրում է.
Մեծ Բրիտանիայի Սուոնսի քաղաքում բացվել է երկրում առաջին փաբը, որտեղ այցելուները կարող են իրենք իրենց սպասարկել iPad-ի միջոցով: Այս մասին գրում է Kedem.ru-ն:
Westbourne կոչվող հաստատությունը այցելուներն անվանում են iPub: Փաբը անձնակազմ չունի, և հաճախորդները կարող են գարեջուր պատվիրել պլանշետներում հատուկ կարգավորումների միջոցով:
Հաստատության սեփականատեր Մարկ Լինգվուդի խոսքերով՝ նման համակարգը թույլ է տալիս կրճատել հերթերը: Մուտքի մոտ այցելուները ստանում են հատուկ քարտ, որը պատվիրելիս պետք է դնել սենսորին: Բացի գարեջրից՝ կարելի է պատվիրել նաև ուտեստներ: Համակարգը կազմում է նաև հաշիվը:
Պետք է նշել, որ այդ կարգավորման համար սեփականատերը ծախսել է 20 հազար ֆունտ ստերլինգ (32.000 դոլար): Մոտ ապագայում նա նախատեսում է բացել նմանատիպ ռեստորան: