Շվեյցարիայում փոխհրաձգության հետևանքով զոհվել է 3 մարդ
16:26 , 3 նոյեմբեր, 2014
1in.am-ը գրում է.
Այսօր շվեյցարական Վիլդերսվիլ քաղաքի կայարանի մոտ տեղի է ունեցել փոխհրաձգություն, որի հետևանքով զոհվել է 3 մարդ: Այս մասին հայտնում է TASS-ը՝ հղում անելով շվեյցարական ոստիկանությանը:
Սպանված 3 մարմինները ոստիկանները հայտնաբերել են կայարանի հարևանությամբ գտնվող ավտոկայանատեղիում: Իրավապահները առայժմ ձեռնպահ են մնում որևէ պաշտոնական հայտարարությունից:
Ոստիկանական փորձագետները ներկայումս ստուգում են ոչ միայն այդ տարածքը, որտեղ հայտնաբերվել են են մարմինները, այլև ավտոկայանատեղիից 200 մ հեռու գտնվող հյուրանոցի պատշգամբը: Իրավապահ ուժերը շղթայել են դեպքի վայրը: