Թուրքիայում 3 ոստիկան է զոհվել Էրդողանի մասնակցությամբ միջոցառումից հետո
23:22 , 13 հոկտեմբեր, 2014
1in.am-ը գրում է․
Թուրքիայի ոստիկանության հատուկ ստորաբաժանումների 3 աշխատակիցներ, ովքեր կարգուկանոնի պահպանությամբ էին զբաղվում նախագահ Ռեջեփ Թայիփ Էրդողանի` Գյումյուշխանե քաղաք մեկնելու ժամանակ, զոհվել են ավտովթարից, երբ միջոցառումից հետո բազա են վերադառնալիս են եղել: 35 ոստիկաններ վիրավորվել են, գրում է RIA NOVOSTI-ն:
Հատուկ նշանակության ոստիկանական ջոկատը Մալաթիայից գործուղվել է Թուրքիայի հյուսիս-արևելքում գտնվող Գյումյուշխանե քաղաք` նախագահ Էրդողանի այցի ժամանակ այնտեղ կարգուկանոն պահպանելու համար:
Պաշտոնական միջոցառումների ավարտից հետո ոստիկանները 3 ծառայողական ավտոբուսով Մալաթիա են ուղևորվել: Սվազ-Էրզընջան մայրուղու վրա հորդառատ անձրևի պատճառով ավտոբուսներից մեկի վարորդը կորցրել է կառավարումը, և ավտոբուսը շրջվել է:
Դրա հետևանքով 3 ոստիկան զոհվել է, 35-ը տարբեր աստիճանի ծանրության վնասվածքներ են ստացել, տուժածներից 3-ն էլ վերակենդանացման բաժանմունքում են գտնվում: