Ամերիկացի դերասանը խոստովանել է, որ մանկապղծությամբ է զբաղվել
23:44 , 7 հոկտեմբեր, 2014
1in.am-ը գրում է․
Դերասան Սթիվեն Քոլինզը խոստովանել է, որ մանկապղծությամբ է զբաղվել, հաղորդում է TMZ-ը:
Քոլինզը, ով 2012-ին ամուսնալուծվել է կնոջից` դերասանուհի Ֆեյ Գրանթից, նրան պատմել է փոքրիկ աղջնակների նկատմամբ ոտնձգությունների մասին, որոնք տեղի են ունեցել դրանից մի քանի տարի առաջ: Երբ զույգը հոգեթերապևտի մոտ է գնացել, Գրանթը խնդրել է Քոլինզին մանրամասն պատմել այդ մասին և գաղտնի ձայնագրել:
Քոլինզի զոհերի թվում է նաև իր կնոջ 11-ամյա բարեկամուհին, որի նկատմամբ դերասանը ոտնձգություն է կատարել մի քանի անգամ` 2-3 տարվա ընթացքում:
Նյու Յորքի ոստիկանությունը հետաքննություն է սկսել և ստուգում է ձայնագրությունների իսկությունը: