«Յուվենթուս»-ը Վիդալին տուգանել է 100.000 եվրոյով
15:54 , 7 հոկտեմբեր, 2014
1in.am-ը գրում է․
Թուրինի «Յուվենթուս»-ի կիսապաշտպան Արտուրո Վիդալը տուգանվել է 100 հազար եվրոյի չափով` կարգապահության կանոնները խախտելու համար: Այդ մասին հայտնում է Gazzetta dello Sport-ը:
Բացի տուգանքը, չիլիացի ֆուտբոլիստը նաև չի ընդգրկվել թիմի մեկնարկային կազմում` Ա Սերիայի «Ռոմա»-ի դեմ հանդիպմանը: Պատճառը` «Յուվենթուս»-ի մարզմանն ուշանալն է:
Տեղեկությունների համաձայն` թուրինյան ակումբի ղեկավարությունն արդեն կորցնում է համբերությունը, քանի որ ֆուտբոլիստը նախկինում ևս նման ուշացումներ է թույլ տվել: