Աշխարհի 12 ամենատպավորիչ Գինեսի ռեկորդները

1. Աշխարհի ամենածանր հեծանիվը

Հոլանդացի Վան դեր Բոշեմն աշխարհի ամենածանր հեծանվի հեղինակն է։ 750-կիլոգրամանոց այս հսկայի պատրաստման համար Բոշեմն օգտագործել է սովորական հեծանիվների մասեր, պողպատե խողովակներ, տրակտորների անվադողեր։ Բայկերները հավանաբար սարսափում են՝ տեսնելով այս հսկայական փոխադրամիջոցով երթևեկող Բոշեմին։

2. Ամենաարագ «փաթեթավորվող» աղջիկը

Ճկուն ավստրալուհի Սկայ Բրոբերգը կարողանում է զարմանալի հնարքներ ցույց տալ։ Վերջերս նա ցուցադրեց, թե ինչպես է ընդամենը 4,78 վայրկյանի ընթացքում մտնում 52 x 45 x 45 սանտիմետրանոց ապակե արկղի մեջ։

3. Ամենամեծ բեռնատարային թափքը

Ամերիկայի Վայոմինգ նահանգի «Westech» ընկերությունը որոշել է գումար չվատնել գովազդի վրա, այլ պարզապես ստեղծել աշխարհի ամենամեծ թափքը։ «Westech T282C Flow Control Body» մոդելում տեղավորվում է մինչև 470,4 կուբամետր ածուխ։ Սա հավասար է մոտ 400 տոննայի։

4. Ամենաշատ փիրսինգներով դեմքը  

Մի քանի տարի առաջ արգենտինացի Ակսել Ռոզալեսը հրաժարվեց մերկապարողի պատվավոր աշխատանքից հանուն փիրսինգների վտանգավոր տարերքի։ Փիրսիննգի ոլորտում Ակսելի ձեռքբերումներն ակնառու են։ 2012 թ. փետրվարին նա ճանաչվել է ամենաշատ փիրսինգներ ունեցող մարդ։ Նրա դեմքին 280 օղ կա։ Այս մարդու համար սափրվելը հեշտ բան չէ։ Գուցե հենց այս պատճառով է նա թրաշ պահում։

5. Պտույտի ամենամեծ շառավիղը

50-ամյա ամերիկացի Մովսես Լանհեմը դեռևս դպրոցական հասակում ինքն իր համար բացահայտեց, որ շատ ճկուն մարմին ունի։ Այնուամենայնիվ, ոտքերը 120 աստիճանով շրջելու ունակությունը նրան համաշխարհային հռչակ բերեց տարեց հասակում։  Եթե նա մի քանի դար առաջ ծնված լիներ, նրան գուցե ինչ-որ դիվային էակ համարեին, ու նա Գինեսի ռեկորդների գրքում հայտնվելու փոխարեն հայտնվեր խարույկի վրա։ Փաստորեն, այս մարդու բախտը բերել է։

6. Ամենակարճահասակ ցուլը

Արչին թերևս բազմաթիվ այլ ցլերի պես մորթվեր ու սթեյքի տեսքով հայտնվեր ինչ-որ հայտնի ռեստորանի սեղանին, սակայն նրա բախտը բերեց, քանի որ նա նման չէր բոլոր մյուս ցլերին։ Նա ենթարկվել էր գաճաճային մուտացիայի։ Հյուսիսային Իռլանդիայի ֆերմերները գլխի ընկան, որ Արչիի հետ ինչ-որ բան այն չէ, երբ վերջինս դարձավ 1 տարեկան։ Այդ ժամանակ նրա հասակը չէր գերազանցում 76 սանտիմետր (սովորական ցլերը մոտավորապես 30 սմ ավելի բարձրահասակ են լինում)։ Դրանից հետո Արչիին սկսեցին պահել որպես ընտանի կենդանի։

7. Ամենաբարձրահասակ ձին

Աշխարհի ամենաբարձրահասակ ձին բնակվում է Ամերիկայի Միչիգան նահանգի ֆերմաներից մեկում։ Այս ձիու հասակը հասնում է 210 սմ-ի։ Այս 11-ամյա ձին Մծ Ջեյքն է։ Հասկանալով, որ Ջեյքը չափազանց արագ տեմպերով է աճում՝ ագարակատերերը որոշեցին հատուկ նախրատեղ են կառուցել։ Այս ձին օրը մինչև 40 կգ վարսակ է ուտում։  

8. Աշխարհի ամենածեր մարմնամարզիկը  

Ինչպես հայտնի է, Գերմանիան տարեց մարդկանց թվով գերազանցում է բոլոր մյուս երկրներին։ Ընդ որում, այդ մարդիկ տան նստած չեն, նրանք ակտիվ կենսակերպ են վարում։ Օրինակ՝ 87-ամյա Յոհաննա Կվաասը մինչ օրս էլ մասնակցում է մարզական մրցումներին, իսկ նրա մարզական համարները պատկերող տեսանյութերը կայծակնային արագությամբ տարածվում են YouTube-ում։

9. Ամենափոքր ուղղաթիռը

Պետք չէ գլուխ ցավեցնել՝ մտածելով, թե ինչու մարդիկ չեն կարողանում թռչունների պես սավառնել։ Պատասխանը պարզ է. մարդիկ ունեն ուղղաթիռներ։ Ճապոնական «GEN Corporation» ընկերությունը աշխարհին ներկայացրեց իր հերթական հայտնագործությունը՝ «GEN H-4» ուղղաթիռը, որն ընդամենը 70 կգ է կշռում։ Այն կարող է սլանալ 100 կմ/ժամ արագությամբ, Այս ուղղաթիռով հնարավոր է 3000 մետր վեր բարձրանալ։ Այն կարող է առանց վերալիցքավորման աշխատել 30 րոպե։ Այս ուղղաթիռում նստած ուղևորների ըդհանուր քաշը չպետք է գերազանցի 200 կիլոգրամը։

10. Աշխարհի ամենաերկար մոհաքը

40-ամյա Կազիխուրո Վատանբեն արդեն 15 տարի է, ինչ չի կտրել մազերը։ Արդյունքում նա գրանցվել է Գինեսի ռեկորդների գրքում իբրև ամենաերկար մոհաք ունեցող մարդ։ Նրա մոհաքի երկարություն հասնում է 115 սանտիմետրի։ Այն այնքան սղլիկ ու սուր է, որ կարող է երկու կես անել օդում թռչող միջատներին։

11. Ամենաբարձրահասակ բասկետբոլիստը

Ամերիկացի բասկետբոլիստ Փոլ Սթյորջեսը, ում հասակը 2.33մ է, համարվում է աշխարհի ամենաբարձրահասակ բասկետբոլիստը։ Նրա քաշը 147 կգ է։ Այս 25-ամյա բասկետբոլիստը 52 համարի կոշիկ է կրում։ Միայն տեսնելով նրան՝ մրցակիցներն արդեն սարսափում են։  

12. Ամենափոքր մեքենան 

«Մաքրվեցինք» կոչվող այս ավտոմեքենայի հեղինակը անգլիացի Փերի Ուոթքինսն է, ով մեքենան հավաքել է 7 ամսում։ Դրանով հնարավոր է երթևեկել ճիշտ այնպես, ինչպես սովորական մեքենաներով։ Միակ տարբերությունն այն է, որ այս մեքենան շատ ավելի կոմպակտ է։