Facebook-ի որ տեսակի օգտատերերն են ամենաշատը նյարդայնացնում մյուս օգտատերերին

Replik.am-ը գրում է․

Facebook սոցկայքի օգտատերերի ¼ -ի համար նյարդայնացնող են այն հաղորդագրությունները, որոնք պարծենկոտություն են պարունակում, հայտնում է The Independent-ի, իսկ սոցկայքերում օգտատերերի էմոցիաների վերաբերյալ հարցումը անցկացրել է PromotionalСodes բրիտանական պորտալը:

Շատ օգտատերեր նաև բացասաբար են վերաբերում իրենց ընկերների կողմից վերջիններիս սիրելիների մասին ռոմանտիկ հաղորդագրություններ տեղադրելուն: Facebook-ի հուզականորեն տրամադրված օգտատերերն ազդում են օգտատերերի 26 տոկոսի վրա:

Ցուցակում հայտնվել են նաև նրանք, ովքեր բողոքում են կյանքից` 22 տոկոս, նրանք ովքեր հաճախ են ստատուսներ գրում` 19 տոկոս, ինչպես նաև կենդանիների և ֆիտնեսի սիրահարները:

Հավելենք, որ պորտալը չի նշում, թե քանի հոգի են մասնակցել հարցմանը: