Միգրենը սուր, աճող ցավ է, որը սովորաբար արտահայտվում է գլխի աջ կամ ձախ կեսում: Երբեմն նախքան նոպան մարդու ականջներում աղմուկ առաջանում, թուլանում են ձեռքերն ու ոտքերը: Միգրենն ուղեկցվում է սրտխառնոցով, նյարդայնացնում է նույնիսկ ամենաթույլ լույսը և աղմուկը: Այն տևում է մի քանի ժամ, երբեմն նույնիսկ շարունակվում է մի քանի օր:
Միգրենի առաջացման պատճառը կարող է լինել սթրեսը, եղանակային փոփոխությունները, քնատությունը, սուր հոտերը, որոշ տեսակի դեղահաբեր, սնունդը: Շատ կանանց մոտ միգրենը սրվում է դաշտանից առաջ կամ ձվազատման ժամանակ: