Apple-ը թողարկել է iOS-ի հին տարբերակին անցնելու հրահանգ
20:37 , 25 սեպտեմբեր, 2014
1in.am-ը գրում է․
Apple ընկերությունը իր կայքում հրապարակել է հրահանգ, որը օգտատերերին կօգնի iOS 8 գործառնական համակարգից անցում կատարել հին տարբերակին: Նրանք խնդիրներ էին ունեցել սմարթֆոններում թարմացված 8.0.1.-ի ներբեռնումից հետո: Միաժամանակ, ընկերությունը հայտնել է 8.0.2. համակարգի համար հերթական թարմացման թողարկման մասին՝ հայտնում է RBK-ն:
Շնորհանդեսից երկու շաբաթ անց Apple-ի նոր սարքերի սեփականատերերը դժգոհում էին թարմացման ներբեռնումից հետո սմարթֆոնի աշխատանքի խափանումներից:
iPhone 6-ի, iPhone 6 Plus-ի ու որոշ հին մոդելների թարմացումը հանգեցնում է ցանցի կորստի ու Touch ID-ի անջատման:
Իր պատմության մեջ առաջին անգամ Apple-ը որոշեց կասեցնել թարմացման գործընթացը:
Վերջին արդիական տարբերակը դարձյալ iOS 8.0-ն է: