Լուիս Սուարեսը կմասնակցի «Բարսելոնա» Բ-ի ընկերական հանդիպմանը

1in.am-ը գրում է․

Սեպտեմբերի 24-ին կատալոնական «Բարսելոնա»-ի երիտասարդական թիմն ընկերական հանդիպում է անցկացնելու Ինդոնեզիայի մինչև 19 տարեկանների հավաքականի հետ, հաղորդում է Barcastuff-ը:

Ըստ աղբյուրի՝ հանդիպմանը կմասնակցի նաև 4 ամսով որակազրկված հարձակվող Լուիս Սուարեսը:

Հանդիպումն ընկերական բնույթ է կրելու, այդ իսկ պատճառով Սուարեսը կարող է մասնակցել այդ հանդիպմանը:

Հավելենք, որ Ուրուգվայի ազգային հավաքականի հարձակվողի որակազրկմանը մնացել է մեկ ամիս: