Ազնավուր. Տարիների ընթացքում իմ ձայնը քիչ է փոխվել...
14:48 , 18 սեպտեմբեր, 2014Panorama.am-ը գրում է․
Աշխարհահռչակ շանսոնյե Շառլ Ազնավուրը հոկտեմբերին մեկ համերգով հանդես կգա Մոսկվայում:
«Անհամբեր սպասում եմ ռուս հանդիսատեսի հետ հանդիպմանը: Ռուսաստանը, ինչպես նաև Հայաստանը, Իտալիան և Իսպանիան, այն երկրներն են, որտեղի հանդիսատեսի հետ շփումն ինձ առանձնապես հաճելի է»,-ԻՏԱՌ-ՏԱՍՍ-ին տված հարցազրույցում ասել է Ազնավուրը:
Նա պատմել է, որ երբեք չի մոռանում 1963 թ. ԽՍՀՄ-ում տված իր համերգները. «Նախապես ծրագրված 30 երգից բացի կատարում էին մոտ 60 երգ, ծափահարությունները չէին դադարում»:
Շ. Ազնավուրն ասել է, որ Մոսվայում ներկայացնելու է իր դասական երգացանկից ստեղծագործություններ, չի անդրադառնալու նոր երգերին:
Բնավորության ինչ գծե՞ր է ժառանգել Ազնավուրը ֆրանսիացիներից, հայերից կամ ռուսներից. «Ինչպես հայերը, ես ամուր կառչած եմ բազմաթիվ բարոյական սկզբունքներին, պարկեշտության կանոններին: Ինչպես ֆրանսիացիները, ես սիրում եմ զրուցել, ինչպես ռուսները, ես սիրում եմ ուրախանալ: Նման խառնվածքն ինձ ամբողջությամբ բավարար է կյանքում»:
«Լավ առողջություն ունենալու համար պետք է գիշերը քնել: Ես տեքստեր գրում եմ ամեն օր, աշխատում եմ առավոտից իրիկուն: Առաջինը միշտ բառերն են միտքս գալիս, իսկ երաժշտությունը՝ ավելի ուշ: Եթե երաժշտությունը չի ստեղծվում, դիմում եմ կոմպոզիտորներին, և մենք միասին ավարտում ենք տեքստը»,- պատմել է արվեստագետը:
Ամբողջական հոդվածը կարող եք կարդալ այստեղ