Գրանդ փղիկը կդառնա հայտնի ատամնաբույժի հաճախորդը
10:54 , 18 սեպտեմբեր, 2014
1in.am-ը գրում է․
Գրանդ անունով փղիկը, որին Թբիլիսիի կենդանաբանական այգի էին տեղափոխել Հայաստանից, կդառնա համաշխարհային հռչակ վայելող ատամնաբույժ Փիթեր Կերտեսի հաճախորդը՝ գրում է «Գրուզիա օնլայնը»:
Բանն այն է, որ փղիկը կոտրել էր ժանիքները: Վիրահատությունը նախատեսված է սեպտեմբերի 18-ին:
Փղիկին այդ վիճակով երկար պահել չէր կարելի, քանի որ օրգանիզմում բորբոքման օջախը ժամանակի հետ կարող էր կենդանու մահվան պատճառ դառնալ:
«Այդ պատճառով փղիկի առողջության ու կյանքի համար որոշվել էր կատարել վիրահատություն և հեռացնել կոտրված ժանիքները»,- հայտնել են Թբիլիսիի կենդանաբանական այգուց:
6 տոննա կշռող կենդանին Երևանից Թբիլիսի էր տեղափոխվել այս տարվա հունիսի 12-ին: