Ապշեցուցիչ մակրոլուսանկարներ Սուրեն Մանվելյանի կողմից

Սուրեն Մանվելյանը սկսել է զբաղվել լուսանկարչությամբ 17 տարեկանում: Այդ ժամանակից ի վեր ֆոտոխցիկը նրա անբաժան ընկերն է դարձել: 2006 թվականին նա պրոֆեսիոնալ լուսանկարիչ դարձավ: Նա մասնագիտացած է լուսանկարչական մի շարք ուղղություններում՝ սկսած մակրոլուսանկարչությունից մինչև դիմանկարչություն: Սուրեն Մանվելյանի լուսանկարները հրապարակվել են ոչ միայն հայկական, այլև միջազգային ճանաչում ունեցող արտասահմանյան ամսագերում ու կայքերում: Նա մի շարք կրեատիվ ֆոտոնախագծերի հեղինակ է: «Կենդանիների աչքերը» և «Քո գեղեցիկ աչքերը» ֆոտոշարքերը հրապարակվել են «National Geographic», «The Sun», «Daily Mail», «Guardian», «MAXIM» ամսագրերում, ինչպես նաև օգտագործվել «BBC»-ի կողմից:  

Վերջին տասը տարիներին լուսանկարչությանը զուգահեռ նա զբաղվել է նաև ուսուցչական գործունեությամբ՝ Երևանի Վալդորֆյան դպրոցում դասավանդելով ֆիզիկա, մաթեմատիկա, երկրաչափություն և աստղագիտություն: 1997-2011 թթ. Գիտությունների ազգային ակադեմիայի Ֆիզիկական հետազոտությունների ինստիտուտում աշխատել է իբրև գիտնական: 2002 թ.-ին քվանտային  տեխնոլոգիաների ոլորտում կատարած հետազոտական աշխատանքի համար Սուրենն արժանացել է Հայաստանի Հանրապետության նախագահի մրցանակին: Սուրենը գիտակ է ոչ միայն լուսանկարչության ու գիտության, այլև երաժշտության ասպարեզում: Նա կարողանում է նվագել հինգ երաժշտական գործիք՝ կիթառ, թավջութակ, դաշնամուր, բլոկֆլեյտա և քնար: Ահա այսպիսի բազմակողմանի զարգացած հայրենակից ունենք: Ստորև ներկայացված են նրա «Ձկների աչքերը խոշոր պլանով» և «Բնություն» ֆոտոշարքերը: Մեր հետագա հոդվածներում մենք կանդրադառնանք նաև նրա մյուս ֆոտոնախագծերին:

Ձկների աչքերը խոշոր պլանով

Բնություն