Հնդկաստանում արդեն հնարավոր է YouTube-ից տեսանյութի բեռնումը
20:37 , 15 սեպտեմբեր, 2014
1in.am-ը գրում է․
YouTube-ը ծրագրում է հնարավոր դարձնել կայքից տեսանյութի բեռնումը բջջային սարքերի վրա, որոնք օգտվում են Android համակարգից:
Այս մասին հայտնել է ընկերության ղեկավար Սեզար Սենգուպտան՝ գտնվելով Հնդկաստանում միջոցառմանը, հայտնում է Medianama-ն:
Ավելի վաղ հայտնի էր դարձել YouTube-ից երաժշտական հոլովակների բեռնման հնարավորության մասին YouTube Music Key վճարային ծրագրի միջոցով, որի արժեքը կազմում է ամսական 9,99 դոլար: Այժմ, սակայն, օգտատերերը, գտնվելով Հնդկաստանում, իրենց սարքերի վրա կայքից կկարողանան բեռնել ցանկացած տեսանյութ:
Արդյո՞ք այդ ծառայությունն անվճար կտրամադրվի՝ չի հաղորդվում:
YouTube-ն ու Google-ը դեռ տեղեկություններ չեն հաղորդել նորամուծության մանրամասների մասին: