«Թեժ աշնան համար կան սառը ցնցուղներ». Վ. Գասպարյանը՝ Մարտի մեկի գործի բացահայտման եւ «քաղաքական դատավարությունների» մասին

Galatv.am-ը գրում է.

ՀՀ ոստիկանապետ Վլադիմիր Գասպարյանը, ով այսօր մասնակցել է Արզնիում կազմակերպված ոստիկանության զորքերի ուսումնական զորավարժությանը, ավարտից հետո պատասխանել է նաեւ լրագրողների հարցերին:

Վլադիմիր Գասպարյանն անդրադարձել ոստիկանությունում իրականացվող բարեփոխումներին, ինչպես նաեւ Շանթ Հարությունյանի եւ նրա ընկերների նկատմամբ դատարանի կայացրած որոշմանը:

Խոսելով քառյակի խոստացած թեժ աշնան մասին՝ ասել է.«Թեժ աշնան համար կան սառը ցնցուղներ»: Ոստիկանապետն այնուհետ հավելել է, որ ներքին «խժդժություններն» անընդունելի եւ անթույլատրելի են, քանի որ սահմանն անհանգիստ է, եւ չպետք է մոռանալ «արտաքին թշնամու» մասին:

Վ. Գասպարյանի հետ զրույցում  լրագրողները ակնարկել են, թե  ՀՀ ոստիկանապետը քաղաքական գործչի նման է իրեն պահում, իսկ Վ. Գասպարյանը հակադարձել է, թե ինքը պետական գործիչ է:

Օրերս նախկին դատախազ Աղվան Հովսեփյանը, անդրադառնալով մարտյան ողբերգական դեպքերին, ուշագրավ հայտարարություն էր արել՝ մասնավորապես ազդարարելով, թե Մարտի մեկի բոլոր բացահայտումներն արվել են: ԳԱԼԱ-ի լրագրողը ՀՀ ոստիկանապետին հարցրել է, թե եթե բոլոր բացահայտումներն արվել են, ապա ովքեր են եղել 2008 թվականի Մարտի մեկի պատվիրատուները:

Ամբողջական հոդվածը կարող եք կարդալ այստեղ