«Յունայթեդ»-ը պատրաստվում է 75 մլն եվրո առաջարկել. թիրախում Պոգբան է
14:20 , 4 սեպտեմբեր, 2014
1in.am-ը գրում է.
«Մանչեսթեր Յունայթեդ»-ի ղեկավարությունը ցանկանում է թիմ վերադարձնել Ֆրանսիայի հավաքականի կիսապաշտպան Պոլ Պոգբային:
Goal.com-ի տեղեկություններով՝ «կարմիր սատանաներ»-ը պատրաստվում են 75 մլն եվրո առաջարկել «Յուվենթուս»-ին:
Հիշեցնենք, որ Պոգբան «Յուվենթուս» է տեղափոխվել «Յունայթեդ»-ից: Նա չցանկացավ նոր պայմանագիր ստորագրել անգլիական ակումբի հետ: Ալեքս Ֆերգյուսոնը չէր ցանկանում նրան ընդգրկել մեկնարկային կազմում, ինչն էլ հեռանալու պատճառ դարձավ:
«Ֆերգյուսոնին հարցնում էի, թե ինչու ինձ չի ընդգրկում հիմնական թիմի կազմում: Նա ասում էր, որ պետք է գնամ մարզասրահ: Մի օր նրան ասացի, որ ես ֆուտբոլիստ եմ, ոչ թե ծանրորդ»,- «Յունայթեդ»-ից հեռանալուց հետո հայտարարել էր Պոգբան: