Իրանի ԱԳՆ ղեկավարն օգոստոսի 29-ին կայցելի Մոսկվա
17:00 , 22 օգոստոս, 2014
1in.am-ը գրում է.
Իրանի ԱԳՆ ղեկավար Մոհամմադ Ջավադ Զարիֆը եկող շաբաթ այցով կժամանի ՌԴ: Ria Novosti-ի տեղեկացմամբ՝ այս մասին հայտնել է Մոսկվայում Իրանի դեսպան Մեհդի Սանաին:
«Եկող ուրբաթ օրը՝ օգոստոսի 29-ին, պրն Մոհամմադ Ջավադ Զարիֆը կժամանի Մոսկվա: Այդ այցի ընթացքում նա կհանդիպի Ռուսաստանի ԱԳՆ ղեկավար Սերգեյ Լավրովի և ռուս մի շարք այլ պաշտոնատար անձանց հետ, նրանց հետ կքննարկի երկկողմ, տարածաշրջանային և միջազգային հարաբերությունների տարբեր հարցեր»,- «Ժիվոյ ժուռնալի» իր բլոգում գրել է դիվանագետը: