Վրաստանում սողանքի հետևանքով 2 մարդ կորել է
17:38 , 21 օգոստոս, 2014
1in.am-ը գրում է.
Դարիալի կիրճում սողանքի հետևանքով երկու մարդ, որոնք մաքրման աշխատանքներ էին իրականացնում թունելում, համարվում են կորած: BBC-ի ռուսական ծառայության հաղորդմամբ՝ այս մասին հայտարարել է Վրաստանի վարչապետ Իրակլի Ղարիբաշվիլին:
Միաժամանակ, նա նշել է, որ աշխատել է ազդանշանը, ինչը հնարավորություն է տվել ժամանակին տարհանել մնացած մարդկանց:
Դեպքի վայրում արդեն սկսվել են աղետի հետևանքների վերացման աշխատանքներ:
Ավելի վաղ Հյուսիսային Օսիայի արտակարգ իրավիճակների նախարարությունը հայտնել էր, որ սողանքի հետևանքով Վրաստանի հատվածի Դարիալի կիրճում փակվել է ռազմավիրական ճանապարհը: