Միշել Օբամայի կազմվածքը հեռուստաեթերով քննադատել են

1in.am-ը գրում է.

Երեքշաբթի ամերիկյան Fox News հեռուստաալիքի եթերում հաղորդավարներից մեկը՝ բժիշկ Քիթ Էլբոուն, խոսել է ԱՄՆ առաջին տիկին Միշել Օբամայի արշավի մասին՝ ուղղված երեխաների առողջ սննդին:

Հաղորդավարը կարծիք է հայտնել, որ մինչ շրջապատողներին սովորեցնելը, թե ինչպես պետք է սնվել, հարկ է, որ Միշել Օբաման նախ սեփական սննդակարգը մշակի:

Էլբոուն ասել է. «Եկեք անկեղծ լինենք՝ մի՞թե նա երբեք չի ուտում ֆրի կարտոֆիլ: Մի՞թե միայն գազար ու վերջ: Ես դրան չեմ հավատում»:

Հաղորդավարներից մեկը՝ Լիզա Քենեդի Մոնտհոմերին, ընդհատել է բժիշկ Էլբոուին՝ հայտարարելով, որ իրեն դուր է գալիս Միշել Օբաման, իսկ մյուսը հրաժարվել է քննարկել այդ թեման:

Նշենք, որ Միշել Օբաման կշռում է 77 կգ է, հասակը 180 սմ է, իսկ դա նշանակում է, որ նրա մարմնի զանգվածի ինդեքսը հավասար է մոտ 23-ի, ինչը բացարձակ նորմայի սահմաններում է:

Հաղորդավարի խոսքերը չէին կարող պատասխան բուռն արձագանք չառաջացնել: