Ստամբուլի օդանավակայանը կկոչեն Էրդողանի անվամբ

1in.am-ը գրում է.

Ստամբուլի երրորդ օդանավակայանը հավանաբար կանվանակոչեն՝ ի պատիվ Թուրքիայի գործող վարչապետ և ընտրված նախագահ Ռեջեփ Թայիփ Էրդողանի: Այս մասին հայտնում է Akşam թերթը:

Թուրքիայի տրանսպորտի, նավագնացության և հաղորդակցությունների նախարար Լյութֆի Էլվանը նախընտրել է ուղիղ չպատասխանել դրան վերաբերող հարցին:

«Կարծում եմ՝ մենք ինչ էլ անենք վարչապետի համար, քիչ կլինի»,- ասել է նա, ինչից լրագրողները եզրակացրել են, որ օդանավակայանն Էրդողանի անունով կոչելու որոշում, ամենայն հավանականությամբ, կընդունվի: Նախարարն ուշադրություն է հրավիրել փաստին, որ Էրդողանի վարչապետության 12 տարիների ընթացքում Թուրքիայի ազգային եկամուտն աճել է 3.4 անգամ և շարունակում է աճել:

«Բնակչության բարեկեցության աճով մենք պարտական ենք Էրդողանին»,- նշել է նա: