Պանամայի նավատորմը նավերի քանակով առաջ է անցել Չինաստանի և ԱՄՆ-ի նավատորմերի ընդհանուր քանակից

1in.am-ը գրում է.

Պանամայի նավատորմի նավերի քանակն առաջ է անցել Չինաստանի և ԱՄՆ-ի նավատորմների ընդհանուր քանակից, հաղորդում է Տրանսպորտային աշխատողների միջազգային ֆեդերացիան, գրում է BBC-ն:

Այս տարվա հուլիսի դրությամբ պանամական դրոշի տակ ամբողջ աշխարհով մեկ 8600 նավեր են նավարկում:

Կազմակերպության արհմիության ներկայացուցիչ Լուիս Ֆրուտոն ասել է, որ նրա գործընկերներն ավելի քան 50 տարի պայքարում են այսպես կոչված «հարմար դրոշների» դեմ:

«Հարմար դրոշ» առաջարկող երկրներում նավերի գրանցման հիմնական թերությունը վերահսկողության ցածր մակարդակն է, հարկերից խուսափելն ու անվտանգության ստանդարտներն անտեսելը:

Ընդ որում, Պանաման, Ֆրուտոյի խոսքերով, այնքան էլ վատ օրինակ չի ծառայում, չնայած որ դրա նավերի գրանցման ծառայությանը հաճախ են մեղադրում կաշառակերության մեջ:

Գրանցված նավերի քանակով Պանամային հետևում են Լիբերիան, Մարշալյան կղզիները, Հոնկոնգը և Սինգապուրը:

«Հարմար դրոշը» առևտրային դրույքների դիմաց տրամադրվում է այն նավատերերին, ովքեր կարող են տվյալ երկրի քաղաքացիներ չլինել: