Ի պաշտպանություն Լ. Հայրապետյանի երթը կայանալու է, շտաբի անդամները կոչ են հղելու եւ նամակներ են հանձնելու ՀՀ, ԼՂՀ նախագահներին

Galatv.am-ը գրում է.

«Ի պաշտպանություն Լևոն Հայրապետյանի» շտաբի ներկայացուցիչներն այսօր հրավիրված ասուլիսի ընթացքում հայտնել են, որ իրականացվելու է ի պաշտպանություն Լևոն Հայրապետյանի երթը եւ դիմում-նամակ  են պատրաստում՝ ուղղված ՀՀ նախագահին, ԼՂՀ նախագահին, ՄԻՊ գրասենյակին և Հայաստանում ՌԴ դեսպանին:

Հիշեցնենք, որ հայազգի գործարարը կասկածվում է ապօրինի կերպով ձեռք բերված փողերի լվացման և վատնման մեջ: Նախաքննությունը Լևոն Հայրապետյանին կասկածում է 2009թ. Ուրալ Ռախիմովի «Բաշնեֆտ» ընկերության վաճառքի գործում ունեցած մասնակցության մեջ։ Ռախիմովը երեք տարի կառավարել է «Բաշնեֆտը» «ԱՖԿ Սիստեմա» ընկերությունների խմբի միջոցով։

Այսօրվա ասուլիսին հրավիրված էր նաեւ փաստաբան Նիկոլայ Բաղդասարյանը, ով սույն գործի առնչությամբ որոշակի հակասություններ նշեց. «Բավականին հակասական փաստեր կան ներկայացված, քանզի մեղադրանք է առաջադրվել, որ Բաշկորտոստանի նախագահի որդու հանցակիցն է, սակայն նույն այդ քննիչը նշում է, որ հանցագործության ավարտից հետո է Լևոն Հայրապետյանն աջակցել, որպեսզի չբացահայտվի հանցագործությունը: Բոլոր հանցախմբերը ստեղծվել են Ռախիմովի կողմից:  Ինքն է ստեղծել այդ կազմակերպությունն ու ամենից իրազեկված անձն էր այդ գործում, և պարոն Լևոն Հայրապետյանի խորհուրդների ու լրացուցիչ ինֆորմացիայի կարիքը նա չուներ»,- ասաց փաստաբանն՝ ընդգծելով, որ Ռախիմովը որևէ մեկի կարիքը չի ունեցել փողերի լվացման համար:

ՀՀ ՊՆ նախկին փոխնախարար Վահան Շիրխանյանն ասաց, որ  կարդալով մեղադրականը՝ համոզվել է, որ սա պատվեր է.

«Ես ավելի համոզվեցի, որ սա պատվիրված թյուրիմացություն է, և մենք որևէ հիմք չտեսանք: Պատվերը գալիս է մեր «հարևան-բարեկամներից»: Սա ձեռնտու է միայն Ադրբեջանին: Այսինքն, նրանք կարողացել են գտնել համապատասխան մարդկանց և իրականացրել են դա»:

Ամբողջական հոդվածը կարող եք կարդալ այստեղ