Eurosport: Դրոգբան վերադառնում է Չելսի

23:24 , 26 հուլիս, 2014

Լոնդոնյան ակումբը հայտարարել է, որ Դիդիե Դրոգբայի հետ կստորագրի մեկ խաղաշրջանի համար նախատեսված պայմանագիր: Թուրքական Գալաթասարայի ֆուտբոլիստը հայտնել է, որ չէր կարող Ժոզե Մոուրինիոյի հետ կրկին աշխատելու հնարավորությունը բաց թողնել:

Այս մասին Դրոգբան հայտնել է Չելսիի պաշտոնական կայքին: Նա ավելացրել է նաեւ, որ բոլորը տեղյակ են՝ այս ակումբի հետ ինքն ունի յուրահատուկ հարաբերություններ եւ այնտեղ զգում է իրեն ինչպես տանը:

Դրոգբան նշել է, որ թիմին հերթական անգամ օգնելու եւ հաղթելու ուժգին ցանկությունը դեռեւս պահպանվում է: