Մադրիդի Պրադո թանգարանից անհետացել է մոտ 900 արվեստի գործ. ԶԼՄ-ներ
09:33 , 23 հուլիս, 2014
1in.am-ը գրում է.
Մադրիդի Պրադո թանգարանի տնօրինությունն աուդիտի ժամանակ հայտնաբերել է, որ արվեստի 885 գործ անհետացել է: Այս մասին հայտնում է El Pais թերթը:
Թանգարանի հավաքածուում հաշվվում է մոտ 27.5 հազար գործ: Հավաքածուն աշխարհում խոշորագույններից մեկն է:
El Pais-ը նշում է, որ միայն 2012-ին թանգարանը 176 գործ ուղարկել է այլ հաստատություններ, ինչպես նաև օտարերկրյա ցուցադրությունների համար տրամադրել 288-ը:
Իսպանիայի աուդիտորների դատարանը թանգարանի ղեկավարությանը կոչ է արել գտնել անհետացած գործերը և խնամքով վերաբերվել դրանց պահպանմանը: