Սեփական երկրի կառավարումը գտնվում է օտարների ձեռքում, իսկ իշխանությունները դարձել են նրանց պահանջները կատարող ենթակա անձեր

Այսօր մեր երկրի ներքաղաքական ընթացքով ուղղակիորեն զբաղվում են ազդեցիկ պետությունների հատուկ ծառայությունները, որոնք էականորեն ներազդում են Հայաստանի Հանրապետության քաղաքական գործընթացների վրա, ուղղորդելով այն, համահունչ իրենց երկրի շահերին: Սեփական երկրի կառավարումը գտնվում է օտարների ձեռքում, իսկ իշխանությունները դարձել են վերջիններիս պահանջները կատարող ենթակա անձեր: Ստացվում է, որ օտարները իրավունք ունեն միջամտելու և ներազդելու Հայաստանի ներքին ընթացքի վրա, իսկ հայերը` ոչ: Սա ուղղակի անհեթեթություն է և առավել անընդունելի է հայերի համակերպումը այս իրողությանը: