ԱՄՆ-ը չի ցանկանում կռվել հանուն Ուկրաինայի. հարցում

1in.am-ը գրում է.

Ամերիկացիները համարում են, որ ԱՄՆ-ը չպետք է խառնվի Ուկրաինայի հակամարտությանը, ինչպես նաև պիտի նվազեցնի ներգրավվածությունը հակամարտություններին Իրաքում և Սիրիայում։

Այդպիսի եզրակացության են եկել ամերիկյան Politico պարբերականի փորձագետներն անցկացված հասարակական կարծիքի հարցման արդյունքներով։

Հարցման շրջանակներում գնահատվել են ամերիկացիների ներքաղական նախընտրությունները, ինչպես նաև վերաբերմունքը ԱՄՆ արտաքին քաղաքականությանը։

Ի պատասխան Ուկրաինայի ռազմական հակամարտությունում ԱՄՆ հետագա գործողությունների մասին հարցի՝ մեծամասնությունը (34%) արտահայտվել է ԱՄՆ ներգրավվածության նվազեցման օգտին։ Միայն 17%-ն է հայտնել, ԱՄՆ-ը պետք է «ավելի ակտիվ մասնակցություն դրսևորի»։

Սիրիայի և Իրաքի թեմաների շուրջ պատասխաններում նույնպիսի պատկեր է. ամերիկացիների 42%-ը համարում է, որ ԱՄՆ-ը պետք է նվազեցնի իր ներգրավվածությունը Սիրիայի պատերազմում, 44%-ը արտահայտվել է Իրաքի հակամարտության մեջ պակաս ակտիվության օգտին։

Հարցվածների 67%-ը կարծում է, որ «ԱՄՆ ռազմական գործողությունները պետք է սահմանափակվեն միայն ազգային անվտանգությանը անմիջական սպառնալիքներով։ Ընդամենը 22%-ն է պատասխանել, որ «ԱՄՆ-ը, որպես համաշխարհային բարոյական հեղինակություն, պետք է ռազմական ուժ օգտագործի՝ պաշտպանելու ժողովրդավարությունն ամբողջ աշխարհում»։

Հարցին՝ ի՞նչ ուղղությամբ է շարժվում ԱՄՆ-ը, մեծամասնությունը (55%) հայտարարել է, թե ԱՄՆ-ը «շարժվում է սխալ ուղղությամբ»։ Հարցվածների 52%-ը հոռետեսորեն է նայում ԱՄՆ հեռանկարներին առաջիկա տարիներին։